Naach Ga Ghuma

नारी ग साजिरी,
बाई तू गोजिरी,
हातानी पेलशी, संसार सारा घुमा.
घुमाचे दोनच हात,
लाखो कामांचा घाट,
घराची, दारची, राणी असे ही घुमा
तुरू तुरू तिचं चालणं
टकामका तिचं पाहणं
भन्नाट झेप अरभाट वाघिण
नाच ग घुमा
अफाट तिची झगमग,
बेफाट तिची लगबग,
सुस्साट वेग पायात तिच्या ग,
नाच ग घुमा…

घुमा घुमा घुमा…घुमे

नाच ग घुमा, कशी मी नाचू,
या रुट ची त्या रूट ची
बस नाही आली, उशीरच भाळी.
कशी मी नाचू
नाच गं घुमा

घुमा ग कोडं तुझं कोण सोडवी,
क्षणी तू अश्शी वाटे तश्शी तू कधी,
तुझ्या गुणगानासाठी सूर अपुरे,
कधी तिसऱ्या डोळ्याने भस्म तू करी
घुमा ही फुरफुरणारी
घुमा ती मुसमुसणारी
मधूनच गुरगुरणारी
नाच ग घुमा
घुमाचे मन घरट्याशी,
तरी भिरभिर आकाशी,
कधी थुई थुई पाण्याशी,
नाच ग घुमा…

घुमा घुमा घुमा…घुमे

नाच ग घुमा कशी मी नाचू
कॅलरी आल्या, घेर वाढला
डाएटचं टेन्शन, घाम फुटला

श्री कांता कमल कांता अस्स कस्स झालं,
असं कसं वेडं माझ्या नशिबी आलं.
श्री कांता कमल कांता अस्स कसं झालं.

घुमा ती आली, ती पाहा गेली,
सर्राट सर्रास वेगे फिरे ती आहा.
भुर्र ती जाते, दिसेना होते,
आठवाने तिच्या जीव कासावीस हा पाहा.

कधी कमी कधी अधिक होतं,
तिच्याविना मन बधीर होतं,
तीच्यासंगे खेळ खेळू लागतं, मग नाच ग घुमा…
जमेना तुझ्या संगती,
करमेना तुझ्या वाचूनी,
तोऱ्यात अशी नारी ग न्यारी ग, नाच ग घुमा.
घुमा घुमा घुमा…घुमे

नाच ग घुमा कशी मी नाचू
ह्या ॲपचे त्या ॲपचे
लॉगिनच नसे पासवर्ड चुके
कशी मी नाचू…