Desired Love

ਕਾਤਿਲ ਨਿਗਾਹਾ ਠੋਡੀ ਵਾਲਾ ਤਿਲ ਨੀ
ਲੁਟਿਆ ਏ ਜਿਹਨੇ ਮਿੱਤਰਾ ਦਾ ਦਿਲ ਨੀ
ਉੱਤੋਂ ਜ਼ੁਲਫ਼ਾਂ ਦੇ ਛੱਲੇ ਤੇਰੇ ਬਾਹਲੇ ਫੱਬਦੇ
ਨਾਲੇ ਲੱਗਦੀ ਪਿਆਰੀ ਤੇਰੀ ਸੰਗ ਨਖਰੋ
ਇਕ ਗਲ ਵਾਲੀ ਗਾਨੀ ਦੂਜੀ ਅੱਖ ਮਸਤਾਨੀ
ਜਿਹੜੀ ਗੱਬਰੂ ਨੂੰ ਕਰਦੀ ਏ ਤੰਗ ਨਖਰੋ
ਬਾਹਲਾ ਬਾਹਲਾ ਤੇਰੇ ਨਾ ਪਿਆਰ ਪੈ ਗਿਆ
ਜੀਹਨੂੰ ਵੱਜਿਆ ਏ ਇਸ਼ਕੇ ਦਾ ਡੰਗ ਨਖਰੋ

ਤੇਰੇ ਲੱਕ ਨਾਲ ਗੁੱਤ ਜਿਵੇ ਖਾਵੇ ਵੱਲ ਨੀ
ਓਨੀ ਵਾਰੀ ਮੁੰਡਾ ਤੈਥੋਂ ਜਾਨ ਵਾਰਦਾ
ਜਿਹੜਾ ਧੱਕੇ ਨਾਲ ਦਿਲਾਂ ਉੱਤੇ ਕਰੇ ਕਬਜੇ
ਬਣੀ ਓਹਦੇ ਲਈ ਤੂੰ ਹੁਣ ਮਸਲਾ ਪਿਆਰ ਦਾ
ਤੇਰੇ ਨਜਰਾਂ ਦੇ ਤੀਰ, ਮੇਰਾ ਸੀਨਾ ਗਏ ਚੀਰ
ਨਾਲੇ ਹੱਸਦੀ ਦੀ ਮਿੱਠੀ ਮਿੱਠੀ ਖ਼ੰਗ ਨਖਰੋ
ਇਕ ਗਲ ਵਾਲੀ ਗਾਨੀ ਦੂਜੀ ਅੱਖ ਮਸਤਾਨੀ
ਜਿਹੜੀ ਗੱਬਰੂ ਨੂੰ ਕਰਦੀ ਏ ਤੰਗ ਨਖਰੋ

ਹਾਰ ਗਈਆਂ ਤੇਰੇ ਮੂਹਰੇ ਪਰੀਆਂ ਦਾ ਜੋਰ ਕੀ ਏ
ਗੋਰੇ ਰੰਗ ਵਾਲੀਏ ਨੀ ਤੈਥੋਂ ਸੋਹਣਾ ਹੋਰ ਕੀ ਏ
ਗੱਲਾਂ ਉੱਤੇ ਲਾਲੀ ਫ਼ਿੱਕਾ ਪਾਉਂਦੀ ਏ ਦੁਪਹਿਰਾਂ ਨੂੰ
ਮਿਲ ਜਾਵੇ ਤੂੰ ਸਾਨੂੰ ਚਾਹੀਦਾ ਵੀ ਹੋਰ ਕੀ ਏ
ਤੂੰ ਮੰਡੀਆਲੇ ਦੀ ਪਸੰਦ, ਬੋਲੇ ਵੀਣੀ ਪਾਈ ਵੰਗ
ਜਿਹੜਾ ਵੈਰੀਆਂ ਨੂੰ ਰੱਖੇ ਗੋਡੇ ਟੰਗ ਨਖਰੋ