Imkan Zanzeeray Tappy Lyrics Karan Khan

امکان لري چې بیا یو ځاې شو ؟
که نه مدام ، سحر ماښام لکه تمام عمر به ستا نه جدا یمه

که وي امکان نو بېرته راشه
مه کړه ناسازې ، یه همرازې چې یوازې شومه ډېر ودردېدمه

چې زما خوږ وطـــــــن ورانيږي
خدائې دې پۀ ګرده ، دې ناکرده ، په بې درده ، نړۍ پورې کړي اورونه

باران وريږي خدای دې خير کړي
د هشتنغر ، دا څڼه ور د پېښور ښکلي د سوات پۀ طرف ځينه

په تهمت کلي نه ړنګیږي
که نړېدی ، که ورانېدی ، که ړنګېدی دکن به لوټي لوټي وونه

توره تياره ده نه دې وينم
دا نیمه شپه ، لګیږي غله ، په چارکونجه چارګل دې کېږده مشالونه

د کور کارونه دې پرې نه کړي
ما له دې یې راکړي ، چې دعا کړي او خندا کړي سوی لاس به یې ساتمه

چې سپکه کیني سپکه پاڅي
چې درَنه کیني ، تماش بیني ، جونې ویني لوې الله به یې پاڅوینه

ای زما د زړه بلبله چرته یې
تاؤ مې خیژي له ګوګله چرته یې
سترګې پټې ځان ویده کړم چې به راشې
تا نېټه کړله بدله چرته یې

۲
یا زلزله ده زمکه خوځي
یا جانان مړ دی ، یا خو پړ دی ، رنګ مې زیړ دی ، یا پرې نوې غم راځینه

د بېوسۍ حد ته مې ګوره
څښتن راکړې ، مه که مړې ، دا پیاوړې ژبه ګونګه ګرځؤمه

که بې منته چرته راغلې
قسم په خداې ، زړه مې کړي سوې ،د مخ په ځاې به درله پوزه ښکلؤمه

جانان مې لمر زه لمر پرسته
تر مازدیګره ، بې خطره ، ناخبره پسې ګرده تاوېدمه

ورځه ورځه په غرونو واوړه
مونږ د کم اصلو ، د بې نسلو بیا کم اصلو ، خلکو نه کړو ارمانونه

که زړه مې یو ځل درنه تور شو
بیا که ته مړه شې ، که ښائیسته شې ، که قبله شې مخ به نه در اړؤمه

بوي د لمدې نکریزې راغې
تور ماسخوتن ، کیږي دیدن ، د کومې پېغلې د کوژدن دسمال به وړینه

په دولتونو پسې ورکې
ته چې خبریږې ، رارستنېږې ، یا پوهېږې ، زه به پلار د بچو یمه

ای زما د زړه ارامه راشه راشه
سروقده ګل اندامه راشه راشه
پري رویه سنبل بویه ملک خویه
عنبر بویه لاله فامه راشه راشه

چې همه واړه خوبان دې مقتدیان دي
د همه واړو امامه راشه راشه
شپه لا پرېده رڼا ورځ راباندې شپه شوه
د رحمان ماهِ تمامه راشه راشه