Janum Ya Hussain

Ya Hussain Ya Hussain
Haye Shame Ghareeban Haye Sham E Ghareeban Haye Sham E Ghariban

Ya Hussain Ya Hussain Ya Hussain
Ya Hussain Ya Hussain Ya Hussain

Haye

Chaa Gai Sham E Ghariban E Haram
Ab Na Ghazi Hai Na Ghazi Ka Alam
Aik Beemar Hai Wo Bhi Labey Dum
Sary Aalam Mein Bapa Hai Matam
Jal Chuky Khaimy Laeen Loot Chuky Sar Sy Rida
Dasht Mein Aati Hai Sadaat Ky Rony Ki Sadaa

Ya Hussain Ya Hussain Ya Hussain
Haye

Ya Hussain Khushta E Taigh E Jafa
Ya Hussain Sibte Rasool E Khuda
Haye Sar Bar Saray Naiza Tera
Dar Badar Ley Gai Faoj E Aada
Bekafan Lasha E Bey Sar Hai Gharib E Zahra
Hai Badan Ghorhon Sy Paamal Tera Wawaila

Ya Hussain Ya Hussain Ya Hussain
Haye

Nainawa Dasht E Bala Karbala
Kiun Hui Jor O Jafa Karbala
Kya Thi Pyason Ki Khata Karbala
Kuch To Keh Kuch To Bata Karbala
Apny Mehmaan Py Yeh Bandish E Pani Kiun Kar
Jis Ki Maadar Ko Mehr Mein Mila Howzey Kausar

Ya Hussain Ya Hussain Ya Hussain
Haye

Aik Maqtal Mein Bahattar Lashay
Bhanjey Baity Bhateejay Pyasay
Para Para Huye Sary Aisy
Aik Quran Ky Paare Jaisy
Khaak Urh Urh Ky Shaheedon Ka Kafan Banti Thi
Khuld Sy Fatima Zehra Ki Sada Aati Thi

Ya Hussain Ya Hussain Ya Hussain
Haye

Ek Taraf Behta Tha Darya E Furaat
Ek Taraf Pyason Py Mushkil Thi Hayat
Baad E Shabbir Aseeron Ki Yeh Raat
Kaisy Guzri Tany Sad Paash Ky Sath
Koi Bhai Ko Koi Roti Thi Baiton K Liye
Bay Kasi Wo Thi Ky Aansu Na Thy Aankhon Ky Liye

Ya Hussain Ya Hussain Ya Hussain
Haye

Fatima Zehra Yeh Deti Hain Dua
Ta Qayamat Rahy Yeh Farsh E Aza
Yun Hi Aati Rhy Maatam Ki Sada

Hussain Ya Hussain, Hussain Ya Hussain, Hussain Ya Hussain

Yunhi Aati Rahy Matam Ki Sada
Ho Har Ek Lab Py Hussaini Noha
Hashr Mein Sheh Ky Azadaron Sy Pursa Loon Gi
Main Azadaron Ko Jannat Ki Basharat Doon Gi

Ya Hussain Ya Hussain Ya Hussain
Haye

Alwida Lashe Gharib Ul Ghuraba
Alwida Lashey Jamiyan Shohada
Alwida Bay Kafan O Bay Watana
Alwida Aal E Gharib E Zehra
Zindagi Hai To Yeh Seeny Hain, Yeh Aanso Haazir
Warna Mola Hai Hamara Yeh Salam E Akhir

Ya Hussain Ya Hussain Ya Hussain
Haye

Karty Hain Sarwar O Raihan Dua
Hum Sy Raazi Hon Janaab E Zehra
Dil Ki Dharhkan Mein Hai Matam Ki Sada
Saary Aalam Mein Bichy Farsh E Aza
Nasl Dar Nasl Yeh Matam Yeh Azadar Rahen
Panjtan Pak Sada In Ky Madadgaar Rahen

Ya Hussain Ya Hussain Ya Hussain